அக்கா குருவி 20

மெல்ல 

அணைக்கிறது

முரண்பட்டுச் சிரிக்கிறேன் 

தழுவுகிறது

அணைத்துக் கொள்கிறோம் 

உறவாடுகிறோம் 

தத்தித் தாவுகிறோம் 

சிறுவனொருவன் 

நுரையைக் கையில் அள்ளி 

தாண்டுகிறான் 

என்னைப் புரட்டி எறிகிறது

இப்போது

அலையைச் சுவைக்கிறேன் 

அக்கா குருவி 19

திரைப்படம் பார்க்க தனது கைக்குழந்தையுடன் வந்திருந்தாள்

அரங்கம் இருள் சூழவும்

குழந்தை சிணுங்கியது

கைப்பையினுள் 

துழாவி திறன் பேசியை எடுத்து 

"யூடியூப்" திறந்தாள்

குழந்தை தன் பூவிரல்களால் ஒளியைத் தடவி

சிணுங்கலை துடைத்தது

நாவினைத் தேடி ஒழுகியோடியது

பால்