சனி, 18 நவம்பர், 2017

பிரியமுடன் பிக்காஸோ - வாசிப்பு

பிக்காஸோவின் ஓவியங்களைப் பற்றி வாசித்ததில்லை ஓவியங்களை கண்டு புரிந்துகொள்ள (புரிந்தால் தானே உணர முடியும் என்பதால்) முயன்று அயர்ச்சியில் கடந்து போயிருக்கிறேன். மெல்ல மெல்ல நவீன ஓவியங்களின் ஓட்டங்களை அறிதலின் மூலம் ஒருநாள் இவரது ஓவியங்கள் வசப்படும் என்ற நோக்கோடு இன்று வாங்கிய "பிரியமுடன் பிக்காஸோ" என்ற சிறுவர் நாவலை வாசிக்கத் தொடங்கினேன்.


ஓவியர் பற்றிய அறிமுகத்திற்குப் பின் சில்வெட் என்ற சிறுமியுடனான உறவினை மையமாகக்கொண்டு நீளும் கதையாடல், சிறுமியினை கோட்டோவியமாக வண்ண ஓவியமாக க்யூபிச பாணி ஓவியமாகவும் வரைந்து இறுதில் அவளை சுதந்திரமானவளாக சித்தரிக்குமொன்றை பரிசாக அளிப்பதோடு இடையிடையே ஓவியம் வரைதலுக்கு உந்துதலாக தோன்றும், தான் காணும் காட்சிகளை புரிந்துகொண்டு அதை ஓவியத்தில் கொண்டுவரும் செயல்களை விளக்கும் நோக்கோடு கதை நகர்வது சிறுவர்களுக்கேற்ற உரைநடையில் உருவாக்கப்பட்டுள்ளது.

கெண்டை மீனை வரைந்து அதை கெண்டை கோழியாக மாற்றும் புகைப்படமும் அதைப்பற்றிய சிறு உரையாடலும் இவரது கோடுகளை அறிய ஓர் வழியை விலக்கித்தருகிறது.

மிகக்குறைந்த (80) பக்கங்களே கொண்ட நூல் வாங்கி வாசிக்கலாம்.


1 கருத்து:

vimalanperali சொன்னது…

வாழ்த்துக்கள் புத்தக புரிதல் கூடட்டும்,,,/